ရည်မှန်းချက် (၃)ခု

Taiwan National Tsing Hua University က အီကို ဆရာတစ်ဦးရဲ့ ကိုယ်တွေ့ဖြစ်ရပ် တစ်ခုလို့ ဖတ်ရပါတယ်။

ဒုတိယတန်းတက်နေတဲ့ ကျွန်တော့်သားက သူ့ရဲ့နောက်ဆုံး စာမေးပွဲအတွက် ဆရာမက ပုစ္ဆာတစ်ပုဒ် ပေးလိုက်တယ်။ ပုစ္ဆာက အဖေဖြစ်တဲ့ ကျွန်တော့်ကို သူက အင်တာဗျုးဖို့ပါပဲ။ မေးခွန်း ၆ခု ပါပြီး မေးခွန်းတ၀က်က ချရေးရမှာ ဖြစ်တယ်။ ကျွန်တော်ဘယ်မှာ အလုပ်လုပ်သလဲ။ ဘာတာဝန်ကို ယူရသလဲ စတဲ့ မေးခွန်းတွေဖြစ်ပြီး နံပါတ်(၅)မေးခွန်းက ကျွန်တော့်ရဲ့ ရည်မှန်းချက်ကဘာလဲ အဲဒီရည်မှန်းချက်ကို ဘယ်လို အကောင်အထည်ဖော်သလဲ ပဲဖြစ်တယ်။

ကျွန်တော်က သားကို ကျွန်တော့် ရည်မှန်းချက်(၃)ခု ပြောပြပါတယ်။
“ဖေဖေ့ရဲ့ ပထမ ရည်မှန်းချက်က စားဝင်ဖို့”
သားက တစ်ခုချင်းစီ ချရေးနေရာက ကျွန်တော့်ကို ခေါင်းထောင် ကြည့်တယ်။ နောက်နေတယ် အထင်နဲ့ ကျွန်တေ့ာ်ကို ကြောင်ကြည့်နေတယ်။ ဒီပုစ္ဆာဟာ တစ်ခြားပုစ္ဆာတွေထက် အမှတ်၃ဆ ပိုတာကြောင့် ရမှတ်ကို သူ အလေးအနက်ထားပုံရတယ်။

“သားက ဗျူးတဲ့သူပဲ အဗျူးခံရသူ ဘယ်လိုဖြေရင် ဘယ်လိုရေးပေါ့....မယုံရင် မမေးရုံပဲပေါ့ သား” သားက မကျေမနပ်နဲ့ ကျွန်တော့်ရဲ့ ပထမရည်မှန်းချက် စားဝင်ဖို့ ဆိုတာကို ချရေးလိုက်တယ်။
“ဖေဖေရဲ့ ဒုတိယ ရည်မှန်းချက်က အိပ်ပျော်ဖို့”
“တခြား လူတွေကို မေးရင် သူတို့ရဲ့ ရည်မှန်းချက်က ပညာရှင် လုပ်မယ် ဒါမှမဟုတ် အရေးကြီးတဲ့ ကိစ္စတွေလုပ်မယ်။ ဖေဖေ့လို ရည်မှန်းချက်က ကလေးတစ်ယောက်တောင် ဖြေတတ်တယ်။ သားကို အမှတ်လျော့ဖို့ ဖေဖေ လုပ်နေတာလား” မယုံရင် မမေးရုံပေါ့လို့ သားကို ကျွန်တော် ပြန်ပြောလိုက်တော့ မီးဖိုထဲမှာ ရှိနေတဲ့ သူ့အမေဆီ ငိုယိုပြီး ပြေးသွား ပါတော့တယ်။ သူ့အမေကလဲ ဗျူးသူက အဗျူးခံရသူကို ဒီလိုဖြေရမယ် ဟိုလိုမဖြေရဘူးလို့ မတောင်းဆိုရဘူးလို့ ပြောလိုက်မှ မျက်ရည်လေးသုတ်ပြီး ကျွန်တော့်ရဲ့ နောက်ဆုံးရည်မှန်းချက်ကို မျှော်လင့်ချက်မဲ့စွာ မေးပြန်တယ်။

“ဖေဖေရဲ့ တတိယရည်မှန်းချက်က ရယ်မောနိုင်ဖို့”
ကျွန်တော့်ရဲ့ တတိယ အဖြေကို ကြားတော့ သားဟာ စိတ်မထိန်းနိုင်တော့ဘဲ “တခြားမိဘတွေက သူတို့သားသမီးတွေကို ကူညီကြတယ်။ ဖေဖေက သားကိုချောက်ထဲ တွန်းပို့နေတယ်” လို့ပြောပါတယ်။ “ဖေဖေဖြေတာတွေကို သားရေးပြီးရင် “ဖေဖေ့အပေါ် ကျွန်တော်၏အမြင်”ဆိုပြီး စာစီစာကုံးတစ်ပုဒ် ထပ်ရေးလိုက်...ပြီးတော့ဖေဖေဖြေထားတဲ့ အဖြေနဲ့ တွဲတင်လိုက်... ဒါမှ သားဆရာမက သား လျှောက်ရေး ထားတာ မဟုတ်ဘူး.... ဒါဟာ ဖေဖေ့ရဲ့ အကျင့်စရိုက်တွေပဲဆိုတာကို သိလိမ့်မယ်”

ကျွန်တော့် အပြောကို သားက လက်ခံပြီး ဆောင့်အောင့်ပြီး ကျွန်တော့်အပေါ် သူ့ရဲ့အမြင်ကို စာပိုဒ်တောင် မခွဲဘဲ အမြန်ဆုံးချရေးလိုက်တယ်။ သူရေးထားတဲ့ စာက......
“အရေးကြီးတဲ့ မေးခွန်းတွေ ဖေဖေ့ကို ကျွန်တော် မေးတိုင်း ဖေဖေဟာ ကျွန်တော့်ကို လိမ်ခဲ့တယ်။ ကျွန်တော်က ဖေဖေ ဒါအရေးကြီးတဲ့ မေးခွန်းနော်လို့ပြောလဲ ဖေဖေက ကျွန်တော်ကို နောက်ပြောင်ပြီး ဖြေခဲ့တယ်။ ဒီမေးခွန်းဟာ အမှတ်အမြင့်ဆုံး မေးခွန်းလို့ ပြောခဲ့ပေမယ့် ဖေဖေဟာ ဘာမဆို ပေါ့ပေါ့တန်တန်ပဲ ဖြေခဲ့တယ်။ဖေဖေဟာ အလုပ်က ပြန်လာတိုင်းလဲ ဖိနပ်မချွတ်ဘဲ တီဗွီကြည့်တယ်။ ကြည့်လိုက်တိုင်း နပမ်းကား၊ အသတ်အပုတ်ကားတွေနဲ့ ပျင်းဖို့ကောင်းတဲ့ အစီအစဉ်တွေပဲ ကြည့်တယ်။ ဒါပေမဲ့ ဖေဖေမှာ အဆိုးတွေများလဲ ကျွန်တော့်ကို တော်တော်ချစ်တယ်။ ကျွန်တော့်ဖေဖေက ထူးဆန်းတယ်။ ခဏနေရင် ကျွန်တော့်ကို ဆူလိုက်.. ခဏနေရင် ကျွန်တော့်အပေါ် ကောင်းလိုက်နဲ့။ ကျွန်တော်က သူ့သားဖြစ်နေလို့ ထင်ပါတယ်။ဖေဖေ မှုမမှန်တာလား မသိဘူး။ ဆရာမရော... ဘယ်လိုထင်သလဲ”

နှစ်ရက်ကြာတော့ ဆရာမ ဘာပြောလဲလို့ သားကို ကျွန်တော်မေးလိုက်တယ်။ သားက အားနာဟန်နဲ့.....
“ဆရာမက သားကိုခေါ်ပြီး ဖေဖေ့ကို ဗျူးထားတာတွေ အရမ်းကောင်းတယ်လို့ ပြောတယ်။ ကျွန်တော့်ကို (၉၈)မှတ်ပေးတယ်။ အတန်းထဲမှာ အမှတ်အမြင့်ဆုံးပဲ.. သားတို့ အတန်းထဲက စာရိတ္တမောင် ထက်တောင် မြင့်တယ်။ နောက်ကျွန်တော်ရေးထားကို ဆရာမက တစ်ခန်းလုံးကို ဖတ်ပြတယ်”
“ဘာကြောင့်လဲလို့ သားဆရာမက မပြောပြဘူးလား”
“ဆရာမက ပြောတယ်.. သူ့အမျိုးသားဟာ အခုတလော အလုပ်လုပ်ရတာ အဆင်မပြေဘူးတဲ့။ ညည အိပ်မပျော်တာ ရက်တော်တော်ကြာနေပြီတဲ့။ အစားလည်း နည်းတယ်တဲ့။ ဖေဖေ့ရဲ့ ရည်မှန်းချက်တွေဟာ အရမ်းအဓိပ္ပါယ် ရှိတာပဲတဲ့”
“ဖေဖေ့ သားကို ချောက်မတွန်းဘူးဆိုတာ.. အခုတော့ သားသိပြီ မဟုတ်လား” သားက ခေါင်းငြိမ့်ပြတယ်။

ဒါပေမဲ့ ဆရာမက သူရေးထားတဲ့ “ဖေဖေ့အပေါ် ကျွန်တော်၏အမြင်” ဆိုတဲ့ စာကို စာစီစာကုံး ပြိုင်ပွဲထဲ ထည့်ပြိုင်တာ ဆုရတာကို သူ အံသြနေခဲ့တယ်။ ဘာကြောင့်ဆုရသလဲ ဆိုတာကိုတော့ ဥာဏ်အသင့်အတင့် သာ ရှိသေးတဲ့သူ သဘောပေါက်ပုံ မရခဲ့ဘူး။

လူ့ဘ၀ လမ်းခရီး တလျှောက်မှာ ဒီရည်မှန်းချက် (၃)ခုကို အကောင်အထည်ဖော်ဖို့ သိပ်မလွယ်တဲ့ အကြောင်း ကျွန်တော့်ထက် နောက်ကျပြီးမှ သားခံစားမိနိုင် ပါစေလို့ ကျွန်တော်မျှော်လင့်ပါတယ်။